«Мұны қалай түсінуге болады?»: Баян Мақсатқызы Канье Уэсттің концертінен кейін ренішін білдірді

Коллаж: qazaqtoday.info

Танымал продюсер Баян Мақсатқызы Канье Уэсттің Алматыдағы концертіне байланысты пікір білдірді, деп хабарлайды Qazaqtoday.info ақпарат порталы.

Ол отандық және шетелдік өнер иелеріне қойылатын талаптардың әркелкі екенін айтып, бұл жағдайға наразылығын жеткізді.

Продюсердің сөзінше, 19 мамырда өткен отандық шоу кезінде қауіпсіздік талаптарына байланысты отшашу қолдануға рұқсат берілмеген. Ал шетелдік жұлдыздың концерті кезінде мұндай талаптардың басқаша қарастырылғанына таңданысын білдірді.

«19 мамырда біз әлемдік деңгейдегі шоу жасадық. Бірақ отшашуға үзілді-кесілді рұқсат бермеді. Сонда заң алдында бәрі тең болғанымен, біреулер “теңірек” болғаны ма? “Дау-дамай туындайды, қауіпсіздікке кепілдік жоқ” деді… Мұны қалай түсінуге болады? Қазақ әртістері екінші сорт па? Біздің шоуымыз бір бас жоғары болғанына қарамастан, бізге болмайды да, Канье Уэстке бола ма?! Бұл – біздің баяғыдан келе жатқан “комплексіміз”. Қонақтардың алдында ұятқа қалмау үшін қолымыздан келгеннің бәрін жасаймыз, ал өзімізге осы да жарай береді», – деп жазды Баян Мақсатқызы.