Жерорта теңізінен ежелгі рим кемесі табылды
Жерорта теңізі түбінен ежелгі рим кемесі табылды. 46 метр тереңдікте жатқан кемеде жүздеген амфора бар. Италия министрі бұл жаңалықты маңызды деп атады.
Сурет: tengrinews.kz
Жерорта теңізінің түбінен ежелгі рим кемесінің қалдықтары табылды. Мадзара-дель-Валло жағалауынан үш теңіз милі қашықтықта, 46 метр тереңдікте жатқан кеме жасы 2 мың жылдан асқан болуы мүмкін, деп хабарлайды Qazaqtoday.info сайты.
Табылған орында жүздеген амфора, негізінен керамикалық, шарап тасымалдауға арналған, сондай-ақ екі қорғасын якорь өзегі және тағы бір қорғасын құрылым тіркелді. Алдын ала болжам бойынша, кеме біздің дәуірімізге дейінгі II–I ғасырларға тиесілі. Кеменің ұзындығы шамамен 21 метр, ені 6 метр.
Италияның мәдениет министрі Алессандро Джули бұл табылғанды «соңғы жылдардағы ең маңызды су асты археологиялық жаңалықтарының бірі» деп атады. Сарапшылар кеменің апатқа ұшырау себебі мен жүктің егжей-тегжейін анықтап жатыр.
Алғашқы болып қалдықтарды жергілікті балықшылар байқаған, кейін оны дайверлер зерттеді. Дайвер Джакомо де Мола алғашында бұл нысанды тас деп ойлағанын айтты.
«Көріну өте жақсы болмады. Мен үлкен қара массаны көріп, ‘Тағы бір үлкен тас қой’ деп ойладым… Жақындап келдім. Жүрегім тоқтап қалды. Бұл тас емес еді. Астымда амфоралардың алып өрісі жатты, жүздеген амфора, теңіз түбінде 2000 жылдан астам жатқан! Жерорта теңізінің тыныштығында жатқан рим кемесі», — деді Джакомо де Мола.
Археологтар Жерорта теңізінің түбінде көптеген антикалық кемелер болуы мүмкін екенін атап өтті. 2023 жылы Римнен солтүстік-батысқа қарай біздің дәуірімізге дейінгі I–II ғасырларға жататын тағы бір кеме, сондай-ақ жүздеген амфорамен бірге табылған болатын.
