Димаш Құдайберген қарындасының тойында ән айтып, желіде пікірталас тудырды
Димаш Құдайберген қарындасының ұзату тойында ән айтып, желі қолданушыларының пікірталасына ұшырады. Әншінің бұл әрекетіне қатысты әртүрлі пікірлер айтылуда.
Сурет: ozgeris.info
Әлемге әйгілі әнші Димаш Құдайбергеннің қарындасының ұзату тойында өнер көрсетуі желі қолданушыларының екіге жарылуына себеп болды. Бұл туралы Qazaqtoday.info сайты хабарлайды.
Кейбір қолданушылар әншінің туысқанының мерекесінде ән айтуын құптаса, енді бірі бұны оның деңгейіне сай емес деп сынға алды.
Сынаушылар: «Димашқа тойда ән айтып не жоқ? Туған қарындасының тойында бауырымен бірге шығарған туындысын орындағанын түсінемін. Бұл оның деңгейі емес. Желіде осындай видеолары өріп жүр», «10 миллион алды», — деп жазды.
Ал әншіні жақтаушылар: «Димаш туралы ештеңе айтпау керек, тойға келгені бақыт қой», «Жақындарының тойын көтермелеп жүр», «Ол тек туысқандары үшін айтады және тегін! Қанша гонорар төлесе де тойда ән айтудан бас тартқан. Жазбас бұрын ойланыңыздар», — деп жауап берді.
