Пәкістанның Хангу ауданындағы шабуылда 15 адам қаза тапты, 22 адам жараланды

Сурет: ulysmedia.kz

АФП-тің нақтылауынша, шабуыл кезінде жеті полиция қызметкері мен сегіз лаңкес қаза тапты. Тағы 22 құқық қорғау органы қызметкері жарақат алды. Оқиға 29 шілдеде Пәкістанның Хайбер-Пахтунхва провинциясындағы Хангу ауданында болды. Бұл шабуылды ешбір топ өз мойнына алмады, деп хабарлайды Qazaqtoday.info сайты.

Бұл — аймақтағы соңғы күндердегі екінші ірі шабуыл. Өткен жұмада лаңкестер Танк ауданындағы бақылау-өткізу бекетіне жарылғыш зат толтырылған көлікпен соқтығыстырды. Сонда 15 адам қаза тауып, 12 шабуылдаушы жойылды.

Хайбер-Пахтунхва провинциясындағы ахуал «Техрик-е Талибан Пакистан» тобының белсенділігіне байланысты шиеленісіп тұр. Исламабад шабуылдар санының артуын Ауғанстандағы лаңкестердің әрекетімен байланыстырады, алайда Кабул бұл айыптауларды жоққа шығарады.