Қарағанды-Жезқазған жолы: Апатты тасжол мен «ҚазАвтоЖолдың» жамау-жасқауы халықты әбден мезі қылды

Фото: видеодан скрин

Жезқазғанды бөлек облыс етіп бөлгенмен, Қарағандымен жалғайтын басты тасжолдың апатты жағдайы аймақ дамуына тұсау болып отыр. «ҚазАвтоЖол» мекемесінің шексіз «жамау-жасқау» жұмыстары көзбояушылықтан әрі аспай, сапасыз жол күн сайын халық өмірін қауіпке тігуде, деп хабарлайды Qazaqtoday.info ақпарат порталы.

Экономиканың күретамыры болуы тиіс бұл бағытта қазір көлікпен жүру түгілі, жаяу аяқ басудың өзі мұңға айналған. Жолдың нашарлығынан логистика құны шарықтап, оның зардабы тікелей қарапайым тұрғындардың қалтасына соғуда. Жүргізушілер күн сайын ажалмен бетпе-бет келіп жатқанда, жауапты мекемелердің әрекетсіздігі — халықтың наразылығын тудырып отыр. Елге құрғақ уәде емес, аман-есен межеге жеткізетін сапалы әрі қауіпсіз жол ауадай қажет.

Видео: @yerlan.nurtazin