Дастан Сәтбаев «Челсидегі» алғашқы ойынын голмен бастады
Фото: ФК Челси
Қазақстандық жас шабуылшы Дастан Сәтбаев Лондонның «Челси» клубының негізгі құрамындағы алғашқы ойынында көзге түсіп, дебюттік голын соқты, деп хабарлайды Qazaqtoday.info ақпарат порталы.
17 жастағы қазақстандық футболшы жолдастық кездесуде алғашқы минуттардан-ақ алаңға шығып, матчтың бесінші минутында есеп ашты. Оның дәл соққысының арқасында лондондық клуб кездесуде 1:0 есебімен алға шықты.
Аталған ойын «Челсидің» Австралиядағы маусым алдындағы оқу-жаттығу жиыны аясында өтіп жатыр.
Бұл гол Дастан Сәтбаев үшін ерекше жетістік саналады. Өйткені ол Англияның алпауыт клубының негізгі командасындағы алғашқы кездесуінде-ақ мергендігімен көзге түсіп, кәсіби мансабындағы маңызды белесті бағындырды.
