Қазақстан жеңіл атлетикадан Азия жастар чемпионатында бір күміс, екі қола иеленді
Қазақстандық жеңіл атлеттер Қытайдың Ордос қаласында өткен Азия жастар чемпионатында бір күміс және екі қола медаль жеңіп алды. Алина Чистякова жетісайыста күміс, ал әйелдер эстафета командалары қола жүлдеге ие болды.
Қазақстандық жеңіл атлеттер Қытайдың Ордос қаласында өткен Азия жастар чемпионатында бір күміс және екі қола медаль жеңіп алды, деп хабарлайды Qazaqtoday.info сайты.
Жетісайыс сынында Алина Чистякова күміс медальға ие болды. Анна Шумило, Екатерина Пузырева, Татьяна Но және Дарья Гридасова құрамындағы әйелдер командасы 4х100 метрлік эстафетада қола жүлдеге ие болды.
4х400 метрлік эстафетада да қазақстандық спортшылар қола медаль алды. Бұл жолы команда құрамына Анна Шумило, Анастасия Цвиркунова, Екатерина Колода және Мария Шувалова кірді.
Бұған дейін Анастасия Рыпакова күміс, ал Максим Балабин мен Ясмина Тоқсанбаева қола медальдарға ие болғанын айта кетейік.
