Стамбулда 500 шелпек таратқан Айнұр Тұрсынбаева елдің ықыласына бөленді
Коллаж: qazaqtoday.info
Танымал ақын, коуч Айнұр Тұрсынбаева түріктереге қазақтың «жеті шелпегін» насихаттап, елдің ықыласына бөленді, деп хабарлайды Qazaqtoday.info сайты.
Ақынның сөзінше, өздері бүгінде тамақтану орнын ашып алған. Ендігі мақсат шағын мейрамхананы дамыту.
«Қасиетті жұма күні түрік, қазақ, өзбек бауырлас ағайынға қазақтың дәмді шелпегін тараттық… Ниетіміз берекелі асханамызды насихаттау еді, қабыл болсын», –деді ол.
Жариялаған бейнежазбасында ақын астауға салынған 500 шелпекті өзі пісіріп, таратқан. Кәсіпкерлікке біржолата бет бұрған Айнұр Тұрсынбаева бірнеше жобаны қолға алғанын айтты.
«Өткенде Алматы облысының ауылында қазақша гамбургер жасап таратқан едік. “Бақыт&Байлық” жобасы қызу жүріп жатыр, Алла береке берсін», – деді ақын.
