Қазақстан Президенті Қасым-Жомарт Тоқаев Еуропа Одағының басшыларымен кездесу үшін Бельгия астанасы Брюссельге ресми сапармен келді. Мемлекет басшысын әуежайда Еуропа Одағының Орталық Азия бойынша арнайы өкілі Эдуардс Стипрайс және басқа да ресми тұлғалар қарсы алды. Бұл туралы Qazaqtoday.info сайты хабарлайды.
Әуежайда Қазақстан Президентінің құрметіне құрмет қарауылы ротасы сапқа тұрғызылды. Ертең Еуропалық Кеңестің штаб-пәтерінде Қасым-Жомарт Тоқаевтың Еуропа Одағының басшылары Антониу Кошта және Урсула фон дер Ляйенмен келіссөздері өтеді. Сапар барысында бірқатар маңызды бірлескен құжаттарға қол қою жоспарланған.
