Атыраудағы сорақылық: «Ағылшын кварталындағы» пәтерлерді су басып қалды
Фото: видеодан алынған кадр
Атырауда зәулім үйден пәтер сатып алып, бармақ тістеп отырған тұрғынның жанайқайы әлеуметтік желіні шарлады.
«Ағылшын кварталы» (English Квартал) тұрғын үй кешенінен мүлік алған азаматтың жаңа баспанасын кәдімгідей су басып қалған. Жарнамасы жер жарған элиталы тұрғын үйдің сиқы осы болып шықты.
Тұрғындар таңертеңнен бері жауапты тұлғаларды таба алмай, мәселенің шешілмей тұрғанына наразы.
Көзбояушылықпен үйді өткізген соң, құрылыс компаниясы жауапкершіліктен қашып отырған сыңайлы.
Желі қолданушылары бұл жерде тек құрылысшыларды ғана емес, бағдарламаны бекіткен банктерді де кінәлауда. Халықтың пікірінше, Отбасы банкі мұндай сапасыз үйлерді тексермей тұрып, қалайша ипотекаға берген? Қарапайым жұрттың ақшасын сорып, сапасыз баспана ұсынған застройщиктердің бұл әрекеті қашан тыйылады?
