Жезқазғанда жұмысшылардың суға толы үлкен шұңқырды ешқандай тазартпастан, үстінен топырақпен жауып тастағаны анық көрінеді.
Негізінен, су сорғы арқылы сорылып, орны құрғатылуы керек еді. Алайда, олай істеу орнына «оңай жолмен» құтыла салмақ болыпты. Бұған бейжай қарамаған тұрғындар наразылық білдіріп, әрекеттің заңсыздығын айтуда. Бұл аймақ ойпатта орналасқандықтан, жауын мен кәріз суы енді үйдің жертөлесіне өтіп, баспанаға үлкен қауіп төндіре ме деп алаңдайды.
Күн жылып, жер жібігенде, мұндай бейберекет жұмыстардың соңы үлкен апатқа, үйдің құлауына да әкелуі мүмкін екенін мамандар ескертуде. Халық қазір бұл жағдайға бақылау орнатуды, тиісті органдардың тексеруін талап етіп отыр. Көптің көкейінде «Кімнің жауапсыздығы бұл?» деген сұрақ туындайды.
@asnyqaitamyz_
