Атырауда зираттан қару мен оқ-дәрілер табылды
Фото: gov.kz
Бұл туралы қаруды жасырған адамның өзі айтып берген, деп хабарлайды QazaqToday.info ақпараттық порталы қылмыстық-атқару жүйесі комитеті өңірлік департаментіне сілтеме жасап.
Ресми мәлімет бойынша, 13 сәуірде №79 мекеменің жедел бөлімі Атырау облысы полиция департаменті экстремизмге қарсы іс-қимыл басқармасымен бірлесіп құқықбұзушылықтардың алдын алу мақсатында жедел-іздестіру шараларын жүргізген.
Ер адамның ерікті түрде берген мәлімдемесінен кейін заңсыз сақталған аңшы мылтығы мен 12 калибрлі 5 оқ табылған. Ер адам қаруды зиратта жасырған.
Қару мен оқ-дәрілер қолданыстағы заңнама талаптарына сәйкес тәркіленді.
Қазіргі уақытта бұл іс бойынша тиісті тексеру жұмыстары жүргізіліп жатыр.
