Ақмола облысының әкімі Марат Ахметжанов пен Төтенше жағдайлар вице-министрі Ерболат Садырбаев Жібек жолы ауылындағы Есіл өзенінің арнасын аралап көрді. Қазіргі уақытта Астана су қоймасынан ағызылып жатқан су көлемі біртіндеп азайтылуда, деп хабарлайды Qazaqtoday ақпарат агенттігі.
Ведомство мәліметінше, қазір секундына 450 текше метр су жіберіліп жатыр, бірақ бұл көрсеткіш біртіндеп төмендейді. Алдын ала салынған бөгет пен контрреттегіштен тартылған арнайы арнаның арқасында су еш кедергісіз өтіп жатыр.
«Атқарылған су тасқынына қарсы іс-шаралар өз тиімділігін көрсетті. Қазіргі уақытта су ағызу көлемі біртіндеп азайып келеді», — делінген ресми хабарламада.
Әкімдік тұрғындарға ешқандай қауіп жоқ екенін және жағдай толық бақылауда екенін мәлімдеді.
Фото: Әлеуметтік желіден
