Нью-Йорктегі апат: ұшқыштар екі жыл бойы диспетчерлерге шағымданған

Нью-Йорктегі Ла-Гуардия әуежайында Air Canada әуе компаниясының ұшағы апатқа ұшырап, екі ұшқыш қаза тапты. Тергеу барысында ұшқыштардың соңғы екі жылда диспетчерлердің жұмысына жиі шағымданғаны анықталды, деп хабарлайды Qazaqtoday ақпарат агенттігі.

Оқиға 22 наурызда болған. Жолаушылар ұшағы өрт сөндіру көлігімен соқтығысып, салдарынан ондаған адам зардап шеккен. Бұл апат әуежайдағы жүйелі мәселелердің бетін ашты.

CNN және NASA деректеріне сәйкес, соңғы екі жылдағы есептерді талдау кезінде ұшқыштардың диспетчерлердің шамадан тыс жұмыс істейтінін және олардың берген нұсқауларының шатасқанын үнемі айтып келгені белгілі болды. Осы уақыт аралығында әуежайда ұшақтардың бір-біріне қауіпті жақындауы және ұшу-қону жолағында соқтығысуы бірнеше рет тіркелген.

Сарапшылар бұл жағдайды Вашингтонда болған ірі апатпен салыстырып отыр. Соңғы оқиғаның себептерін толық тергеу екі жылға дейін созылуы мүмкін.

Фото: Әлеуметтік желіден