Қазақ әйелдері зейнетке қашан шығады: 2028 жылдан басталатын жаңа кесте

Қазақстанда әйелдердің зейнетке шығу жасы 2027 жылдың соңына дейін 61 жас деңгейінде сақталады, алайда 2028 жылдан бастап кезең-кезеңімен көтеріледі, деп хабарлайды Qazaqtoday ақпарат агенттігі.

Қазіргі заңнамаға сәйкес, ер адамдар 63 жаста, ал әйелдер 61 жаста зейнетке шығады. Әйелдер үшін бұл меже 2027 жылдың аяғына дейін өзгеріссіз қалады.

2028 жылдан бастап әйелдердің зейнет жасын біртіндеп арттыру жоспарланған. Өсім жыл сайын алты айға созылады:

• 2028 жылғы 1 қаңтардан – 61,5 жас;
• 2029 жылғы 1 қаңтардан – 62 жас;
• 2030 жылғы 1 қаңтардан – 62,5 жас;
• 2031 жылғы 1 қаңтардан – 63 жас.

Осылайша, 2031 жылға қарай Қазақстанда ерлер мен әйелдердің зейнеткерлік жасы теңесіп, 63 жасты құрайды.