«Менен ақша дәметіп отыр ма?»: Меруерт Түсіпбаева өзімен танысқысы келген бейтаныс жігітке таңданды (ФОТО)
Фото: meruert_tusupbaeva инстаграм парақшасынан
Танымал әнші Меруерт Түсіпбаева өзінің әлеуметтік желідегі парақшасында күтпеген жазба жариялады. Бұл туралы QazaqToday.info ақпараттық порталы хабарлайды.
Өнер иесі өзінің жекесіне жігіттер түрлі хаттар жолдайтынын жасырмады.
«Осындай хат келді, қалай түсінуге болады? Шынында да маған желіде, ер-азаматтар көп жазады.
…Бірақ советтік система миыма әбден сіңген, мүлдем осы желі арқылы танысып көрмеппін.
Әйтпесе, баяғыда бақытты ғұмыр кешіп немесе 2-3 рет ажырасып үлгерер ме едім?! Мереке қарсаңызда мынандай хат келді.
Сонда бұл менен ақша дәметіп отыр ма? Бұл хатты қалай түсінесіз? Мен болсам осы жасқа келіп тұрмыс құрсам — мені асырап, сақтап, аялап жақсы көретін еркекті қалар едім», — деп жазды әнші.
