Елена Рыбакина: «Әлемнің бірінші ракеткасы атану – менің басты мақсатым»
Қазақстандық теннисші Елена Рыбакина Дубайдағы турнир алдында үлкен мәлімдеме жасады. Ол биыл әлемнің бірінші ракеткасы атануды көздейді.
Қазақстанның бірінші ракеткасы Елена Рыбакина биылғы маусымдағы негізгі мақсаты әлемдік рейтингте көш бастау екенін мәлімдеді. WTA рейтингінде 3-орында тұрған спортшы бұл пікірін Дубайдағы турнир алдында білдірді, деп хабарлайды Qazaqtoday ақпарат агенттігі.
«Әлемнің бірінші ракеткасы атану – менің басты мақсатым. Әрине, бәрі басқа ойыншылардың нәтижесіне де байланысты. Маусым ұзақ, сондықтан босаңсуға уақыт жоқ. Күн сайын шеберлікті шыңдап, алға жылжу керек», – деді Рыбакина.
Елена Дубайдағы турнирді екінші айналымнан бастайды. Оның алғашқы қарсыласы – аустралиялық теннисші Кимберли Биррелл.
