Асхат Аймағамбетов: «Коучпын» деп айту енді мүмкін болмайды, заң күшіне енді
Депутат Асхат Аймағамбетов коучинг қызметіне жаңа стандарт енгізілетінін айтты. Енді өзін «коучпын» дейтіндер біліктілігін растауы керек.
Қазақстанда енді кез келген адам өзін «коучпын» деп атай алмайды, себебі 14 ақпаннан бастап бұл қызметке арналған кәсіби стандарт күшіне енеді, деп хабарлайды Qazaqtoday ақпарат агенттігі.
Бұл жаңалықпен экс-министр, депутат Асхат Аймағамбетов әлеуметтік желідегі парақшасында бөлісті.
«Ертеңнен бастап өзін «коучпын» деп айта салу мүмкін болмайды. 14 ақпанда елімізде коучинг қызметінің кәсіби стандарты ресми түрде күшіне енеді. Енді бұл жай ғана сән немесе әлеуметтік желідегі әдемі сөз емес, мемлекет реттейтін нақты мамандық. Ең бастысы – енді коучтардың білімі мен біліктілігін растайтын арнайы құжаттары болуы тиіс, басқа да талаптар бар», – деп жазды депутат.
