Елнұр Бейсенбаевтың депутаттық өкілеттігі тоқтатылды
Фото: Конституциялық сот
Осы аптада ол Президент Әкімшілігінің ішкі саясат бөлімінің меңгерушісі болып тағайындалды. Мәжілістің жалпы отырысында депутат Елнұр Бейсенбаевтың өкілеттігін мерзімінен бұрын тоқтату мәселесі қаралды. Бұл туралы QazaqToday.info ақпараттық порталы хабарлайды.
«Ең әуелі маған маңызды әрі жауапты міндетті жүктеп, үлкен сенім білдірген Мемлекет басшысы Қасым-Жомарт Тоқаевқа шынайы алғысымды білдіргім келеді. Мәжіліс мінберіндегі бес жылдық қызмет мен үшін саяси мектеп болды. Толассыз тәжірибе мен шынайы мемлекетшіл әрі отаншыл болуды осы мінберде үйрендім», – деді Елнұр Бейсенбаев.
