Ақорда: Қазақстан Трамптың кеңесіне 1 млрд доллар төлемей-ақ кірді
Ақорда Қазақстанның Дональд Трамп құрған Бейбітшілік кеңесіне мүше болғанын растады. Ресми мәліметке сәйкес, ел бұл үшін 1 млрд доллар жарна төлемеген.
Ақорда Қазақстанның АҚШ президенті Дональд Трамптың бастамасымен құрылған Бейбітшілік кеңесіне ешқандай қаржылай жарна төлемей-ақ мүше болғанын мәлімдеді, деп хабарлайды Qazaqtoday ақпарат агенттігі.
Президент әкімшілігінің хабарлауынша, Бейбітшілік кеңесіне мүше болу үшін тек мемлекеттің егеменді шешімі жеткілікті. Кеңеске кірген сәттен бастап елдің мүшелік мерзімі үш жылды құрайды.
«Жарғыда көрсетілген 1 миллиард АҚШ доллары көлеміндегі ерікті жарна мүшелікке қабылдаудың шарты емес. Бұл – әрбір қатысушының өз құқығы», – деп атап өтті Ақорданың баспасөз қызметі.
Сондай-ақ, егер мемлекет алғашқы жыл ішінде 1 миллиард доллар жарна аударса, онда Кеңестегі мүшелік мерзімін белгіленген үш жылдан асырып ұзарту мүмкіндігіне ие болатыны түсіндірілді.
Фото: Ақорда
