Ресей көліктері Қазақстанда қымбаттайды: Утиль алымы екі есеге өсуі мүмкін
ҚР Индустрия министрлігі Ресей мен Беларусьтен әкелінетін көліктерге утиль алымын екі есеге көтеруді ұсынды. Бұл нарықтағы бағаға әсер етуі мүмкін.
Қазақстанның Индустрия және құрылыс министрлігі Ресей мен Беларусьтен әкелінетін автомобильдер мен ауыл шаруашылығы техникасына арналған утилизациялық алымды көтеру туралы бұйрық жобасын дайындады, деп хабарлайды Qazaqtoday ақпарат агенттігі.
Жарияланған құжатқа сәйкес, аталған елдерден импортталатын көліктерге қатысты 2-ге тең арттыру коэффициентін қолдану ұсынылып отыр. Бұл іс жүзінде алым мөлшерін Ресейде 2025 жылдың 1 желтоқсанынан бастап күшіне енетін ставкалармен теңестіреді.
Бұл ретте, Қазақстанда құрастырылған көліктер мен ЕАЭО-ға кірмейтін елдерден, сондай-ақ Армения мен Қырғызстаннан жеткізілетін техникаға қатысты бұрынғы шарттар сақталады.
«Бұл өзгеріс нарық қатысушылары үшін жағдайды теңестіруге бағытталған. Ол ЕАЭО аясындағы өзара саудадағы төлемдердегі теңгерімсіздікті жойып, бағалық арбитражды болдырмайды», — деп түсіндірді ведомство.
Министрліктің пікірінше, бұл қадам импорт және утилизациялық алым саласында болжамды саясатты сақтауға мүмкіндік береді.
Фото: Әлеуметтік желіден
