«Тұңғыш ұлын мен тудым»: Қабатовтың «екінші әйелі» елді шулатты
Фото: kznews.kz
Қазақ эстрадасының жарық жұлдызы Тұрсынбек Қабатовтың жеке өмірі тағы да қызу талқыға түсті. Бұл жолы желіде өзін танымал әзілкештің «екінші әйелімін» деп таныстырған Айман Тұрсынбек есімді келіншек күтпеген мәлімдеме жасап, көпшілікті аң-таң қылды.
Айман ханымның әлеуметтік желіде тараған сөздері лезде қызу пікірталас тудырды. Ол Тұрсынбекпен танысқан кезде актердің тек қыздары болғанын, ал алғашқы ұлды өзі сыйлағанын ашық айтты.
«Тұрсынбектің ұлы жоқ еді»
Өзін әзілкештің жарымын деп санайтын келіншек өткен күндерді еске алды. Оның айтуынша, Тұрсынбектің қазіргі үлкен ұлы заңды некедегі әйелінен емес, өзінен туған.
«Менімен бас қосқанда Тұрсынбектің ұлы болмаған, тек қыздары бар еді. Сол кезде мен оған ұл туып бердім. Қазір ол ұл ер жетіп, жігіт болып қалды», — дейді Айман Тұрсынбек желідегі жазбасында.
Бұл мәлімдеме әзілкештің жанкүйерлері арасында түрлі сауалдар туындатты. Себебі көпшілік Қабатовты үлгілі отағасы және адал жар ретінде таниды.
«Мөлдір күйеуін алып қалу үшін туды»
Айман Тұрсынбек мұнымен шектелмей, Тұрсынбектің заңды жұбайы Мөлдір Мұқановаға қатысты да ауыр сөздер айтты. Оның пайымдауынша, Мөлдір күйеуінен айырылып қалмас үшін кейіннен екі ұл дүниеге әкелген.
«Тұрсынбектің ұлдарының ең үлкенін мен дүниеге әкелдім. Мөлдір менен кейін, Тұрсынбекті ұстап қалу үшін екі ұл туды. Дегенмен, балалардың өзара араласуына мен ешқашан қарсы болған емеспін», — деп қорытындылады сөзін желі қолданушысы.
Әзірге Тұрсынбек Қабатов немесе оның заңды өкілдері тарапынан бұл ақпаратқа қатысты ресми түсініктеме берілген жоқ.
