“Қайрат” пен “Копенгаген” арасындағы матч: Футболшылар Данияға аттанды (ВИДЕО)
Фото: ФК «Қайрат»
Алматылық “Қайрат” футбол клубы Данияға аттанды. Чемпиондар лигасының кезекті турында “Қайрат” 27 қараша күні “Копенгагенге” қарсы матч өткізеді, деп хабарлайды Qazaq Today ақпарат порталы.
Қос ел арасындағы арақашықтық 6422 шақырым екенін ескерсек бұл “Қайрат” футболшылары үшін оңай сапар болмасы анық.
Айта кетейік, Чемпиондар лигасының кестесінде “Қайрат” 1 ұпаймен 34-орында тұр. Жарыстың жалпы кезеңінде 36 команда қатысатынын ескерсек, бұл – ең төменгі нәтижелердің бірі.
Бұған дейін Уразбахтиннің шәкірттері өз алаңында “Реалдан” 5:0 есебімен ойсырай ұтылып, “Пафоспен” 0:0 тең түскен еді. Ал “Қайрат” сырт алаңда “Интерден” 2:1 есебімен жеңіліп қалды. “Копенгаген” болса турнир кестесінде 33-орынға жайғасқан. Сондықтан бұл матч қос команда үшін маңызды ойын болмақ.
Посмотреть эту публикацию в Instagram
