Елена Рыбакина камбэк жасап, WTA қорытынды турнирінің финалына шықты

Фото:ҰОК

Қазақстанның нөмер бірінші, әлемнің алтыншы ракеткасы Елена Рыбакина Сауд Арабиясының Эр-Рияд қаласында өтіп жатқан турнирде керемет камбэк жасады, деп хабарлайды Qazaq Today ақпарат порталы. 

Отандасымыз жартылай финалда әлемдік рейтингте 5-орындағы америкалық Джессика Пегуламен ақтық бәсекеге жолдаманы сарапқа салды.

Үш сетке созылған тартыста 4:6, 6:4, 6:3 есебімен Рыбакина жеңіске жетті.

Елена енді финалда Беларусь елінің өкілі Арина Соболенко мен америкалық Аманда Анисимова арасындағы матчтың жеңімпазымен өзара мықтыны анықтайды.

Айта кетейік, айтулы турнирдің жүлде қоры рекордтық $15,5 миллионды құрайды. Жартылай финалға шыққан спортшы $1,29 млн, ал чемпион атанған теннисші $2,54 млн алады. Турнир жеңімпазының жалпы табысы $5,235 млн-ға жетеді.