Мемлекет басшысы Алжир Президентіне құттықтау жеделхатын жолдады
Фото: Ақорда
Бұл туралы Ақорданың баспасөз қызметі мәлімдеді.
Қасым-Жомарт Тоқаев Алжир Халық Демократиялық Республикасының ұлттық мейрамы – Революция күнімен Әбделмәжид Теббун мен оның отандастарын құттықтады.
– Біз еліңізді араб әлеміндегі және Солтүстік Африкадағы сенімді серіктестеріміздің бірі ретінде қарастырамыз. Қазақстан мен Алжир арасындағы дәстүрлі достық пен өзара түсіністікке негізделген қарым-қатынас халықтарымыздың игілігі жолында ұдайы дами беретініне кәміл сенемін, – делінген құттықтау жеделхатында.
