«Осы да жарнама ма»: Әкесіне топырақ салған Ердос Қанаевтың әрекеті жұртқа жақпай қалды
Фото: видеодан скрин
Әлеуметтік желіде белгілі әнші Ердос Қанаевтың әкесін жер қойнына тапсырып жатқан видеосы тарады, деп хабарлайды Qazaq Today ақпарат порталы.
Бейнежазбаны әншінің досы Сәбит Бескемпиров жеке парақшасына жүктеген.
«Өмір деген осы екен ғой. 20 күн алдын менің әкеме топырақ салып еді, бүгін оның әкесіне. Ата-анаңыз тірі болса, қадіріне жетіңіз, бір күні осы күн де келеді. Алла әкелерімізге Фердаус жәннәтын нәсіп етсін, бауырым», — деп жазған ол.
Желі қолданушылары аталмыш кадрға қатысты түрлі сыни пікір жазды.
«Неге рұқсат берген түсіруге?! Осы да жарнама ма? Тіріні сыйламасаңдар қайтыс болған кісінің аруағына құрметпен қарамайсындар ма?», «Зиратты болмайды көмгеніне дейін фотоға түсіретінді қайдан шығарған мақтаныш па, қайғыны болмайды сала беруге», деді олар.
