Талдықорғанда су құбыры жарылып, тұрғындар бірнеше күннен бері сусыз отыр
Фото: видеодан скрин
Талдықорған маңындағы Ащыбұлақ саяжай массивінде жер астындағы су құбырлары жарылып, халық бірнеше күннен бері ауызсусыз отыр. Бұл туралы жергілікті тұрғындар хабарлады, деп жазады Qazaq Today ақпарат порталы.
Олардың айтуынша, су жүйесіндегі апаттан кейін тұрғындар амалсыздан суды көрші Көктал шағынауданынан тасып ішуге мәжбүр. «Бірнеше күн бойы жуынбай, тамақ пісіруге де су таппай отырмыз. Қалалық коммуналдық қызметтен ешкім келмеді», – дейді тұрғындар.
Халық билік пен тиісті мекемелерден суды мүмкіндігінше тез қалпына келтіруді сұрап отыр.
