Елена Рыбакина Пекиндегі турнирде аутсайдерлердің бірінен жеңіліп қалды

Фото: Getty Images

Қазақстанның бірінші және әлемнің оныншы ракеткасы Елена Рыбакина (№10) Пекинде өтіп жатқан WTA 1000 турнирін аяқтады. 1/16 финалда отандасымыз неміс қызы Ева Лиспен (№66) кортқа шығып, жеңіліп қалды.

Матч 2 сағат 16 минутқа созылды. Бірінші сетті неміс теннисшісі жеңгенімен, екінші кезеңде Рыбакина 6:1 есебімен есе қайтарды. Дегенмен, шешуші үшінші сетте Ева Листің мерейі үстем болды, қорытынды есеп – 6:3, 1:6, 6:4.

Айта кетейік, жарыстың жалпы жүлде қоры 8,96 миллион долларды құрайды. Үшінші кезеңге дейін жеткені үшін Рыбакина 60,4 мың доллар сыйақы алады.