Ауыр хәлде жатқан 49 жастағы науқас Өскеменге тікұшақпен жеткізілді
Фото: ТЖМ
18 қыркүйекте ҚР ТЖМ «Қазәуеқұтқару» АҚ тікұшағы санитарлық авиация желісі бойынша Бұрлы ауданының 49 жастағы тұрғынын шұғыл эвакуациялады, деп хабарлайды Qazaq Today ақпарат порталы.
Министрлік мәліметінше, науқас тар бейінді мамандардың көмегін алу үшін облыс орталығындағы көпсалалы ауруханаға жеткізілген.
«Экипаж бен медициналық бригаданың үйлесімді жұмысының арқасында тасымалдау уақыты едәуір қысқарып, емнің сәтті аяқталу мүмкіндігі артты», – делінген хабарламада.
