«Менің сүйген жүрегіңе мың алғыс»: Айгүл Иманбаева күйеуіне рақмет айтты
Фото: instagram.com.aigulimanbayeva
Қазақстанның танымал әншісі әрі актрисасы Айгүл Иманбаева күйеуінің туған күнінде әлеуметтік желіде ерекше жазба қалдырды. Өнер иесі жүрекжарды тілегін көпшілікпен бөлісті, деп хабарлайды Qazaq Today ақпарат порталы.
«Бүгін – менің жүрегімнің иесі, асыл жарым Ерлан Болатұлының туған күні.
Жаным, сені кездестірген тағдырыма алғысым шексіз! Маған еркелеуді, нәзік болуды, махаббаттың не екенін ұғындырғаныңа, мені сүйген жүрегіңе мың алғыс!
Бақыттың бақшасында бірге өмір сүрейік», – деп жазды ол.
Желі қолданушылары ерлі-зайыптыға бақыт пен ұзақ ғұмыр тіледі.
«Аяғыңыз ауыр сияқты», «Екеуіңіз сондай керемет жұпсыздар», «Айгүл ханым жыл өткен сайын жасарып жатыр», деп жазды көпшілік.
