Талғарда тағы трагедия: қыз зорлаған қылмыскер оның ағасын атып өлтіріп, екі жастағы баланы ұрлап кеткен
Қанды қылмыс тапа-тал түсте болған. Адвокат Гауһар Сариеваның айтуына қарағанда, бір ай бұрын әпкесін зорлады деп айыпталған СТО қызметкері күдікке ілініп отыр.Алайда полицияның бұл іс бойынша ешқандай шара қолданбағанын да мәлімдеді.
Кеше адвокат күдіктіні ұстап алып, полицияға тапсырған. Бірақ келесі күні оны босатып жіберген.
Қамаудан босаған қылмыскер Сариеваның әпкесін қорқытып, өміріне қауіп төндірген.
Сол күні кешке күдікті жәбірленушінің ағасының үйіне барып, оны атып өлтіріп, екі жасар қызын алып кеткен.
Полицияның мәлімдеуінше, арнайы жасақ қызметкерлері сәбиді құтқарып алған, оның өмірі мен денсаулығына ешқандай қауіп төніп тұрған жоқ.
Полиция қызметкерлері күдіктінің артына түсіп, оны ұстау әрекеттерін жасауда.
Оқиға Ішкі істер министрінің жеке қадағалауында.
Фото: Telegram-арна Молодой Кабылтаев
