«Батыр ұшқыш»: Тікұшақ апатынан көз жұмған ұшқыштың әйелі жантебірентерлік жазба жариялады
Сорбұлаққа құлаған тікұшақ апатынан қаза тапқан ұшқыш, экипаж командирінің көмекшісі, капитан Аман Амангелдінің әйелі әлеуметтік желіде жантебірентерлік жазба жариялады, деп хабарлайды Qazaq Today ақпарат порталы.
«Ризамын саған, жаным. Батыр ұшқыш! Отанын қорғаймын деп мәңгілік ұшып кетті», деп жазды ол.
Айта кетейік, Аман Амангелдінің денесі су астынан табылған.
«12 тамыз күні экипаж командирінің көмекшісі капитан Аман Нұрланұлы Амангелдінің денесі табылды. Тәжірибелі ұшқыш, күрделі метеорологиялық жағдайларда бірнеше мәрте ұшып жаттыққан. Түрлі ауқымдағы жаттығулар мен операцияларға қатысқан. Жоғары орындаушылық тәртібімен және мінсіз қызметтік беделімен ерекшеленген. EC-145 тікұшағындағы ұшу уақыты – 295 сағат», – делінген министрлік таратқан ақпаратта.
