Асаубаева ең мықты шахматшылар қатысатын турнирге шақырту алды
Қазақстандық шахматшы Бибісара Асаубаева әлемде ең мықты шахматшылар қатысатын жабық элиталық фристайл-шахмат турниріне шақырту алды, — деп хабарлайды Qazaq.today ақпарат порталы Massaget.kz-ке сілтеп.
Турнирге қатысатындар қатарында Магнус Карлсен, Фабиано Каруана, Хикару Накамура және қазіргі шахмат әлемінің өзге де танымал ойыншылары бар.
«Бар болғаны 21 жастамын, ал мені ерлер арасында шахмат гроссмейстерлерінің өзі қатысуды армандайтын турнирге шақырды» — деп жазды Бибісара.
Бибісара Асаубаеваның мұндай мәртебелі турнирге шақырылуы 2025 жылғы мамырда Біріккен Араб Әмірліктерінде өткен Sharjah Masters халықаралық супертурниріндегі сенсациялық ойынының арқасында мүмкін болды.
