Аргентинада алып мұздықтың бір бөлігі құлады
Фото: pelago.com
Аргентинаның әйгілі Перито-Морено мұздығы жібіп жатыр. Бұған жаһандық климаттың өзгеруі себеп болуы мүмкін, деп жазады Qazaq Today ақпарат порталы Рейтерс агенттігіне сілтеме жасап.
Жақында оның бір бөлігі құлап, ғалымдарды айтарлықтай алаңдатып отыр.
Глациологтардың сөзінше, опырылып түскен мұздың биіктігі 20 қабаттық ғимараттың көлеміне тең.
ЮНЕСКО ұйымының наурызда жариялаған ақпаратына жүгінсек, әлемде мұздықтар бұрын-соңды болмаған деңгейде тез жойылып жатыр. Ал, кейінгі үш жылда олардың жоғалу қарқыны тіпті күшейген.
«Мұндай көлемдегі мұздың еріп құлау оқиғасы соңғы 20 жылда Перито-Морено мұздығында жиі болған емес», — дейді Лос-Гласиарес ұлттық саябағындағы туристік гид Пабло Кинтерос.
