Садраддиннің концертінде жастар бір-бірін таптап, 15 шақты адам талып қалды

Фото: https://www.instagram.com/sadraddinn/

Шымкентте өткен Садраддиннің концертінде халық лық толып, алаңға сыймай қалды, деп хабарлайды Qazaq Today ақпарат порталы. 

Тik Tok қолданушысы жеке парақшасында оқиғаның қалай болғанын жазды.

“8 наурызда Садраддиннің концерті өтті. Адам өте көп болды. Бүкіл Шымкент сол жақта жүргендей. 10-15 шақты адам талып қалды. 25-30 шақты адамды жақындары іздеп жүрді. Полицей шақырдық. Толқын сияқты адамдар тербеліп тұрды. City Mall-дың ішінде де адам толы болды. Үйге кешкі 10-да бір-ақ жеттік. Садраддин үш ән айтты да, кетіп қалды. Тіпті, көрермен концертті бастан-аяқ көре алған жоқ. Ол жақтағы сұмдықта сөзбен айтып, жеткізу мүмкін емес. Тегін болғасын бүкіл халық барған”, – деп жазды желі қолданушысы.

Өнер иесі өзі де халықты сабырға шақырып, тәртіп сақтау керегін ескерткен.

“Сіздерден өтініш, кішкене әрі тұрсаңыздар! Артқа қарай, сахнадан түсіп тұрыңыздар! Өйткені алда кішкентай балалар отыр”, – деді әнші.