Шымкентте 25 жыл жұмыс істеген мұғалімдер аттестациядан өте алмаған

Қаладағы 160 мектептің 52-сі аттестациядан өте алмаған. Тест сынақтарын тапсыра алмаған мұғалімдер арасында 20-25 жылдық өтілі бар ұстаздар да бар. Бұл туралы қала әкімінің орынбасары Сәрсен Құранбек айтты, деп хабарлайды Qazaq Today ақпарат порталы Otyrar сайтына сілтеме жасап.

«Жалпы біздің басшылыққа келгелі бері бар-жоғы 4 мектептің ғана директоры жұмыстан кетті. №106 мектеп, 43, 33 бірде-бірі қудаланған жоқ. № 33 мектепке қатысты өздеріңіз білесіздер. Ата-аналар шулап, мектеп апатты емес екендігі тәуелсіз сараптаманың қорытыныдысы анықтады. Осыдан кейін директорға шара қолдану керек пе, жоқ па? Шара көрілетін кезде директор өз еркімен жұмыстан босап кетті», — деді Шымкент қаласы әкімінің орынбасары.

Оның сөзінше, Қайнар-бұлақтағы №106, 12 шағын ауданындағы №43 мектептердің басшылары ұжымдағы келіспеушіліктер себебінен өз еркімен жұмыстан кеткен.

Қаладағы мектептерде 37 мың мұғалім жұмыс істейді.