Белгілі жазушы Мұхтар Мағауин өмірден озды

84 жасқа қараған шағында жазушы, әдебиет тарихын зерттеуші ғалым Мұхтар Мағауин қайтыс болды, деп хабарлайды Qazaq Today ақпарат порталы.

Жазушының дүниеден өткенін ұлы Едіге Мағауин әлеуметтік желідегі парақшасында жазды.

«Арыстан әкем фәниден бақиға аттанып кетті, АҚШ-тың Мерилэнд штатындағы үйінде, бала-шағасының ортасында, 2025 жылғы қаңтардың 9-ы, жергілікті уақыт бойынша сағат 19:55-те (Қазақстан уақыты бойынша қаңтардың 10-ы, сағат таңғы 5:55).

“Мына Мен – айбынды Ғұн, ержүрек Түрік, кемеңгер Шыңғыс хан, Асқақ Алтын Орда, оған жалғас нұр шұғылалы Алаш әулеті – бар ғұмыры жарыққа ұмтылған арпалыс үстінде өткен Мұхтар Мағауин – көзім жұмылған мезетте, бұрнағы Алапат Бабаларым сияқты, өлмес, өшпес, Мәңгілік Аруаққа айналам! Иә! ”Мұхтар Мағауин», – деп жазды ол.