Жамбыл облысында патурльдік полиция қызметкері әріптесін атып тастады

Жамбыл облысында полицей әріптесін атып тастады. Қызметтік көлікте патрульдеу кезінде полицей әріптесіне оқ атып, жарақаттады, деп хабарлайды Qazaq.today Михаил Козачковтің  Telegram-арнасына сілтеме жасап.

«Бүгін Жамбыл облысында полицей қызметтік көлікте келе жатып, әріптесіне оқ атты», – деп жазды ол. 

Облыстық полиция департаментінің баспасөз қызметі бұл ақпаратты растады.

«2024 жылғы 16 қарашада қызметтік көлікте қызметтік аумақты патрульдеу кезінде қаруды абайсыз қолдану салдарынан полицейдің бірі әріптесінің арқасына кездейсоқ оқ атты», – деп мәлімдеді ведомство өкілдері. 

Құқық қорғау органдары қызметтік міндеттерін орындау кезінде жіберілген салғырттық фактісі бойынша қылмыстық іс қозғады. Зардап шеккен қызметкер Кордай аудандық ауруханасына жатқызылды. Қазіргі уақытта полиция қызметкерлері ішкі тексеріс жүргізіп, оқиғаның барлық мән-жайын анықтауда.

Фото: Istockphoto