Жұмысқа орналастыру үшін пара алған: Шымкент қалалық СЭБД басшысы сотталды

Шымкенттегі Қылмыстық істер жөніндегі ауданаралық сотының үкімімен қалалық санитарлық-эпидемиологиялық бақылау департаментінің басшысы Әбдіманап Төлебаев алты жылға сотталды, деп хабарлайды Qazaq.today.

ҚР Сыбайлас жемқорлыққа қарсы іс-қимыл агенттігінің ресми өкілі Данияр Биғайдаров 2024 жылғы 14 қарашада өткен брифингте аталған істің басқа қатысушыларына қатысты мемлекеттік қызметте қызмет атқару құқығынан өмір бойына айыра отырып, 42 млн теңге айыппұл түрінде жаза тағайындалды.

«Олар осы департаменттің аудандық басқармасындағы жетекші маман лауазымына жұмысқа орналастыру үшін 600 мың теңге сомасында пара алғаны, делдал болғаны және бергені үшін кінәлі деп танылды. Үкім заңды күшіне енген жоқ», — деді Данияр Бигайдаров.

Төлебаев түрмеде жазасын өтесе, қалғандары қомақты айыппұл төлейтін болды. Тұрсынбаева — 21 млн, Махатова — 9 млн, Әшірбаева — 12 млн теңге айыппұл төлеуге кесілді.

Сурет: Facebook/Абдиманап Тулебаев