5,7 млн адам зардап шекті: Филиппинде дауылдан 85 адам мерт болды
Филиппиннің солтүстік-шығысында Трами тропикалық дауылы 85 адамды мерт қылды. Су тасқынының кесірінен 5,7 миллион адам үйлерін тастап кетті, деп хабарлайды Anadolu Ajansı.
Азаматтық қорғаныс бюросына (OCD) сілтеме жасаған Manila Times газетінің хабарлауынша, қаза тапқандар мен зардап шеккендер саны артуы мүмкін.
Табиғи апат салдарынан 92 мыңға жуық адам уақытша орналастыру орталықтарында, 27 мыңнан астам үй, 520 жол және 84 көпір зақымданды, деп жазды Төтенше жағдайлар қаупін азайту және басқару ұлттық кеңесі.
Билік дауыл ауыл шаруашылығы жерлері мен инфрақұрылымға орасан зор зиян келтірді деп есептейді.
