Серік Күдебаевтың соты кейінге қалдырылды

Алматы облысы полиция департаментінің экс-бастығы Серік Күдебаевқа қатысты сот процесі кейінге қалды, деп хабарлайды Qazaq.today Halyq Uni-не сілтеме жасап.

Бұл туралы Жетісу облысы сотының баспасөз қызметі хабарлады.

Қаңтар оқиғасынан кейін істі болған Күдебаевқа қызметтік өкілеттігін асыра пайдаланды деген айып тағылған.

Прокурор оны 9 жылға бас бостандығынан айыруды сұрады.

10 наурызда Күдебаевқа сот үкімі шығуға тиіс болған. Алайда сотталушының сот отырысына келе алмауына байланысты сот отырысы кейінге қалдырылды. Содан кейін сот үкімі 20 наурызда шығады деп хабарланды.

Алайда сот процесінің кейінге шегерілгені белгілі болды. Оған нақты не себеп болғаны әзірге белгісіз.

Qazaq.today