Талғар әкімдері 4 жыл жер сатумен айналысқан — Бозымбаев
Талғар ауданының бұрынғы әкім-қаралары соңғы төрт жыл бойы заңды белден басып, жер сатумен айналысқан. Бұл туралы Qazaq.Today басылымы жазды.
Жемқорлықпен аты шыққан ауданның қазіргі басшыларын да облыс әкімі жеке бақылауына алмақ. Бозымбаев Талғар ауданның қазіргі әкімдері туралы Сыбайлас жемқорлыққа қарсы іс-қимыл агенттіктен сұрап отыратынын айтты.
«Агенттігінің өкілдері арқылы өңірдегі жемқорлық істеріне байланысты ақпараттармен таныспын. Мен Талғар ауданының қазіргі әкімінің жұмысынан заңға қайшы іс-әрекет байқамадым, оның орынбасары бұрын агенттікте жұмыс істеген. Енді олар бұндаймен айналысса білмеймін.Талғар ауданының бұрынғы басшылары төрт жыл заңды белден басып, жер сатумен айналысқан», – деді Алматы облысының әкімі Қанат Бозымбаев.
Үнемі жер дауына қатысты жемқорлықпен атышыққан ауданды әкім жеке бақылауына алмақ. Ол Талғар ауданын екі айда реттейтінін айтты.
