«Адамдар ұйықтап қалады»: Рим Папасы ұзақ уағыз айтпауға шақырды
Фото: ult.kz
Рим Папасы діни қызметкерлерге уағыздарын 8 минутпен шектеуге кеңес берді. Әйтпесе, адамдар ұзақ «діни баяндамадан» шаршап, назарын басқа жаққа аударуы мүмкін, деп хабарлайды Qazaq Today ақпарат агенттігі.
The Guardian газетінің мәліметінше, Рим Папасы шіркеу қызметіндегі хабарламаның ұзақ болмауын еске салған. Қысқа айтылған уағыз адамдарды ой мен сезімге жетелеуге тиіс. Ұзақ уағыздан қалжырағандардың ойына неше түрлі нәрсе түсетіні айтпаса да түсінікті, деп жазады kaz.inform.kz.
«Адамдар ұйықтап жатыр және олардыкі дұрыс», — деді 87 жастағы понтифик.
Естеріңізге салсақ, Кардинал Хорхе Марио Бергольо 2013 жылдың наурыз айының ортасында католиктік шіркеуді басқару үшін конклавтағы дауыс берудің бесінші турында 266-шы Рим Папасы болып сайланған еді. Ол Франциск деген есімді иеленді. Бұрынғы Рим Папасы Бенедикт XVI денсаулығына байланысты тақтан өз еркімен кеткен болатын.
