Алматыда жолаушы автобуста әйелдің алтын алқасын шешіп алмақ болған
Автобус жолаушысы қоғамдық көлікте ұрлық жасамақ болған адамның іс-әрекетін видеоға түсіріп алған, деп хабарлайды Qazaq Today ақпарат порталы.
Видеодан егде жастағы апаның алтын алқасын оның артында отырған адамның шешіп алмақ болғанын көруге болады. Алматы қаласының Полиция департаменті бейнежазбағы күдікті ұсталғанын және оның іс-әрекетіне байланысты қылмыстық іс қозғалғанын хабарлады.
— 1983 жылғы азамат ұсталды. Қазір сотқа дейінгі тергеу жүріп жатыр. Ол бұған дейін өзгенің мүлкін ұрлағаны үшін қылмыстық жауапкершілікке тартылған, — деп хабарлайды қалалық ПД.
