Санкт-Петербургте таэквондо жаттықтырушысына қатысты іс ескіру мерзіміне байланысты тоқтатылды
Санкт-Петербургте таэквондо жаттықтырушысын жыныстық зорлық жасады деп айыптаған бұрынғы шәкіртінің ісі ескіру мерзіміне байланысты тоқтатылды.
Фото: әлеуметтік желі
Санкт-Петербургте таэквондо жаттықтырушысын жыныстық зорлық жасады деп айыптаған бұрынғы шәкіртінің ісі қылмыстық жауапқа тартудың ескіру мерзімі өткендіктен тоқтатылды. Бұл туралы MadeniPortal.kz хабарлайды.
Бұл туралы Qazaqtoday.info сайты хабарлайды.
Виктория есімді спортшының айтуынша, оқиға 2020 жылы, ол 15 жаста болған кезде басталған. Алғашында жаттықтырушы әдепсіз әзіл айтып, түнде хабарлама жіберген. Кейін оның әрекеттері жыныстық сипаттағы зорлыққа ұласқанын мәлімдеді.
Қыз ұялғандықтан, басынан өткенін жақындарына бір жылдан астам уақыт айта алмаған. Психологтің көмегіне жүгінгеннен кейін ғана отбасына айтуға күш тапқан. 2021 жылдың шілдесінде отбасы құқық қорғау органдарына арыз беріп, қылмыстық іс қозғалған.
Тергеу тоғыз айдан астам уақытқа созылған. Ал сот отырыстары 2022 жылдың жазында басталған. Викторияның сөзінше, жаттықтырушы мен оның адвокатының сотқа келмеуіне немесе денсаулығына байланысты отырыстар бірнеше рет кейінге қалған.
Ақырында ескіру мерзімінің өтуіне байланысты қылмыстық қудалау тоқтатылған. Осылайша, бұрынғы шәкірті айыптаған жаттықтырушы қылмыстық жауапқа тартылмаған.
