Елорда кубогі: Алғашқы күні Ұлттық құрама мүшелері түгел жеңіске жетті
Фото: Olympic.kz
Астанада бокстан дәстүрлі «Елорда кубогі» турнирінің алғашқы жарыс күні өтті, деп хабарлайды Qazaq Today ақпарат агенттігі.
Ұлттық олимпиадалық комитеттен мәлім еткендей, шаршы алаңға шыққан ұлттық құрама мүшелерінің барлығы қарсыластарынан басым түсті.
Олардың арасында Махмұд Сабырхан, Серік Теміржанов, Асланбек Шымбергенов, Қамшыбек Қоңқабаевтар бар.
Сондай-ақ, жақында Қазақстан азаматтығын алған этникалық қазақ Аман Қонысбеков те құрама сапындағы алғашқы жеңісіне қол жеткізді.
