Атырауда мереке күні жедел жәрдем фельдшерін ұрып-соққан
Фото: NewTimes.kz
Атырауда мереке күні жедел жәрдем қызметінің фельдшерін ұрып-соққан, деп хабарлайды Qazaq Today ақпарат агентті Облыстық полиция департаментінің баспасөз қызметіне сілтеме жасап.
Оқиға Атырау қаласында 1 мамыр күні түнгі сағат 3:40 шамасында болған. 20 жастағы тұрғын жедел жәрдем қызметінің фельдшерін ұрып-соққан.
Күдікті анықталып, ұсталды. Наркологиялық тексеру нәтижесінде күдіктінің жеңіл дәрежелі мас екені анықталды.
«Оқиғаға қатысты қылмыстық іс қозғалды. Сот-медициналық сараптамасы тағайындалды», — делінген ДП хабарламасында.
