Легионерлер қазынаға қол салады, бірақ гол салмайды – Қазыбек Иса
Фото: akzhol.kz
Мәжіліс депутаты Қазыбек Иса футболдағы легионерлер мен оларға бөлінетін қаражат туралы мәселені көтерді, деп хабарлайды Qazaq Today ақпарат агенттігі.
Оның айтуынша, біздің елде жылына футбол клубтарына 133 млрд теңге бөлінген. Оның 111 млрд-ы облыстық бюджеттен бөлінген.
«Қазақтың қазынасына қол салады, бірақ гол салмайды. Қаражат қайда кетіп жатыр? Оның барлығы легионерлерді байытуға жұмсалып жатыр. Премьер-лигадағы 374 футболистердің 150-і легионер болды. Әлемдік чемпионатқа дайындалған кезде бокс, күрес,ауыр атлетиканың үшеуін қосқандағы қаражат футболға бөлінеді. Оның 80%-ы легионерлерге жұмсалады. Осы 30 жылда салғанымыз жалғыз стадион екен. Өзбекстан футболға екі есе аз қаржы бөле отыра 10 стадион салған», — деді ол.
