Алматыда 200-ден астам учаске әлеуметтік жобаларды іске асыру үшін сатып алынды
[ad_1]
Фото: Алматы қаласы әкімдігінің бапасөз қызметі
Былтыр Алматы қаласының жер қатынастары басқармасы қоғамдық маңызы бар жобаларды іске асыру үшін 222 учаскені сатып алды, деп хабарлады Halyq Uni тілшісі.
Қала әкімдігі баспасөз қызметінің мәліметінше, Сейфуллин даңғылы мен Жансүгіров көшесінің қиылысындағы жолайырық, Бостандық ауданында жайлы мектеп салу, Қуаныш шағын ауданындағы №18 емхана, Абай-Тұрғыт Өзал даңғылын абаттандыру және көгалдандыру, Бостандық ауданындағы «Молодежный» саябағын салу, Алатау ауданы Мұхитдинов көшесіндегі балабақша, Әлмерек шағын ауданындағы отбасылық-дәрігерлік амбулатория, балабақша және т.б. жобалар бойынша сатып алу аяқталды.
2023 жылы қалада жер комиссиясының 4 отырысы өткізіліп, 2 818 өтініш қаралды. Алматы қаласы әкімдігінің 1 478 жеке тұлғаға және 2 448 заңды тұлғаға қатысты 516 оң қаулысы қабылданды. Қазір Алматы қаласының жер көлемі 68,3 мың гектар болып отыр.
Дереккөз: halyq-uni.kz
