Үкімет пен ArcelorMittal арасындағы мәміле аяқталуға жақын

Қазақстан Үкіметі мен ArcelorMittal арасындағы мәміленің соңғы кезеңіне жақындады. Бұл туралы Индустрия және құрылыс министрлігінің баспасөз қызметі хабарлады.

«Осы оқиғаның маңыздылығын ескере отырып, мәмілеге қол қою жөніндегі жұмыс толығымен аяқталғаннан кейін брифинг ұйымдастырамыз. Бұл кездесу барысында барлық қажетті ақпаратпен бөлісіп, барлық сұрақтарыңызға жауап береміз», — делінген хабарламада.

Еске салайық, 28 қазанда Қарағандыдағы Костенко атындағы шахтада 46 кеншінің өмірін қиған тағы бір қайғылы оқиға болды. Президент Қасым-Жомарт Тоқаев төтенше жағдай орнына барып, кеншілердің қазасына көңіл айтып, «АрселорМиттал Теміртау» компаниясымен ынтымақтастықты тоқтатуды тапсырды.

Qazaq.today